اسئله نفسيه تعالو نتناقش فيها

السلام عليكم

بسالكم عدة اسئله وفي النهايه نبي نحلل شخصيات بعض
اوكي

طبعا كل الاسئلة هذي من بنات افكاري
يعني مو جايبتها من اي مكان

اول سؤال يقول:

كم مره في حياتك عشت من خلال شخص ما في عائلتك ؟
شمعنات السؤال
ابوضح لكم
وبما اني بنت بجيب واقع من عندنا احنا البنات زين
لما تنخطب وحده وتعيش قصة حب حلوه مع خطيبها او خلنا نقول زوجها وسافرت وراحت واجت ومن كثر ما انتي معجبه بهزوجين تحسين لا شعوريا بانك تعيشين قصتهم وكانك انتي البطله في القصه

السؤال الثاني يقول ؟؟
هل تعتقد انك تعيش في السيف كورنا يعني زاوية الامان ؟

وشو هي زاوية الامان
هي الزاويه الي لازقين فيها ما نبي نطلع منها ونعيش حياتنا
يعني شي تعودنا نسويه وما نقدر نطلع منه صار شي لازم ومفروض علينا
الناس بدو فينا واحنا كملنا معاهم
مثال الخوف من مواجهة الناس في مجتمع كبير تلقي فيه خطبه
او شي تحاول انك تطلع منه لاكن شي داخلك ما يبي يسويه
انا ودي اطلع منها واسوي شي ما قد سويته من قبل
وانتو

السؤال الثالث ولاخير
هل نستطيع ان نخلق انسان خالي من العقد ؟؟
في رايي انه لا ما نقدر
اولا لان الانسان مب عايش لوحده وان ما تعقد من والدينه بيتعقد من اقربائه والمدرسه والمجتمع

انتو شورايكم

انا هنا انتهى دوري وانتظر ردودكم الحلوه الي تبرد القلب
ادري طفشتكم >>مسويه فيها محلله نفسيه
بس يالله

اشوفكم على خير
تحياتي للجميع بدوام الصحه والعافيه

[/size][/center]