وشلون و هي البارحه كلمتني

راحت تعالج من مرضها ولاجت
مــــعقول ماترجع وهي أوعدتني
ماني مصدق لو يقولـــــون ماتت

شلون وهي البارحة كــــلمتني ؟؟

قالت أكيد أنــــــك لصوتي تشوقت
قلــــــــــــت آه كلك يالغلا شايقتني
اشتقت لك ولنضرتك حيل أنـا اشتقت
ولهمستك ولبــــــــسمةٍ ساحرتني

ولمعانقك يابـــــــعد عمري تولهت
وكـــــلمة هلا حبي وربي وحشتني
قالــــــــــت أحبك قلت أنا فيك مت
واللي يحـــــــــفظك بالغلا مالكتني

قالت وتنسى صورتي قلت لا كـنت
ينساني الله كــــــــــــــانها فارقتني
وهلت دموع الغـــــــــالية ثم قالت
قالت أحس أن المـــــــــــنية لفتني

قاطـــــــــعتها استغفري الله يا بنت
وعـــــــجزت أكمل عبرتي أخنقتني
قالت أبي منك الـــوعد لو أنا غبت
تحفظ مشــــــاعر حب فيك جمعتني

قلت احفظه واحفظك دام أنـــا دمت
بس إرجــعي فرقاك موت أرهقتني
قالت كـــذا يا نور عيني أنا ارتحت

والوعد بـــــــــــاكر بعدها ودعتني
شقران قلي صـــــــــدق انها توفت
وشلون وهي البــــارحة كلمتني؟؟!!